मौसम पूर्वानुमान: देशभर सामान्य मौसम, कतैकतै आंशिक बदली

काठमाडौं । मौसम पूर्वानुमान महाशाखाका अनुसार अहिले देशभर कुनै महत्त्वपूर्ण मौसम प्रणालीको प्रभाव छैन ।

हाल गण्डकी प्रदेशका पहाडी र हिमाली क्षेत्रमा आंशिक बदली छ भने अन्य अधिकांश भूभागमा आकाश सफा देखिएको छ ।

दिउँसो कोशी र गण्डकी प्रदेशका पहाडी भूभागमा आंशिक बदली रहने अनुमान छ, जबकि बाँकी क्षेत्रमा मौसम सामान्यतया सफा रहनेछ ।

राति कोशी प्रदेशका पहाडी क्षेत्रमा हल्का बादल लाग्ने र देशका अन्य भूभागमा आकाश मुख्यतया सफै रहने महाशाखाले जनाएको छ ।