एसईई पूरक परीक्षाको नतिजा सार्वजनिक, ८३ हजारभन्दा बढी ग्रेडेड

भक्तपुर । राष्ट्रिय परीक्षा बोर्डले माध्यमिक शिक्षा परीक्षा (एसईई) पूरक परीक्षाको नतिजा सार्वजनिक गरेको छ । बोर्डका अध्यक्ष डा. महाश्रम शर्माका अनुसार यस परीक्षामा ८३ हजार ५६४ परीक्षार्थी ग्रेडेड भएको छन् ।

पूरक परीक्षामा कूल एक लाख ४३ हजार २५७ विद्यार्थी सहभागी भएका थिए । तीमध्ये ५९ हजार ६९३ जना अनुत्तीर्ण (अवर्गीकृत) भएको बोर्डले जनाएको छ ।

गत वैशाखमा भएका वार्षिक एसईईमा दुई विषयसम्म ‘नन ग्रेडेड’ भएकाहरू तथा परीक्षामा अनुपस्थित विद्यार्थीहरूका लागि साउन २९ देखि भदौ ६ गतेसम्म पूरक परीक्षा सञ्चालन गरिएको थियो ।

विद्यार्थीहरूले नतिजा विभिन्न एसएमएस  (IVR/SMS – USSD) सेवा, राष्ट्रिय परीक्षा बोर्डको वेबसाइट (www.neb.gov.np) र पनिकाको कक्षा १० पोर्टल (www.see.gov.np) मार्फत हेर्न मिल्ने व्यवस्था गरिएको छ । वेबसाइटमा सिम्बोल नम्बर र जन्ममिति राखेर ग्रेडसिट डाउनलोड गर्न सकिन्छ ।

प्रकाशित नतिजा प्रति चित्त नबुझेका परीक्षार्थीले पुनर्योग ९चभ(तयतबििष्लन० तथा उत्तरपुस्तिका पुनर्परीक्षणका लागि पनि आवेदन दिन सक्छन् । असोज १९ गतेदेखि २९ गते साँझ ५ बजेसम्म बोर्डको वेबसाइटमार्फत अनलाइन फाराम भरी आवेदन गर्न सकिने व्यवस्था गरिएको बोर्डले जानकारी दिएको छ ।