मनाङ–२ उपनिर्वाचनका लागि निर्वाचन आयोगद्वारा दल दर्ता खुला

काठमाडौं । निर्वाचन आयोगले गण्डकी प्रदेशको मनाङ जिल्ला, प्रतिनिधि सभा क्षेत्र नं. १ अन्तर्गत प्रदेश सभा क्षेत्र नं. २ मा रिक्त स्थान भर्ने उपनिर्वाचनका लागि राजनीतिक दलहरूलाई दर्ता गर्न आह्वान गरेको छ ।

आयोगले जानकारी दिएअनुसार आगामी कात्तिक १७ गते उपनिर्वाचन हुँदैछ । यसमा भाग लिन आयोगमा दर्ता भएका दलहरूले अनिवार्य रूपमा निवेदन दिनुपर्नेछ ।

नेपालको संविधानको धारा २७१ र राजनीतिक दलसम्बन्धी ऐन, २०७३ को दफा ४८ बमोजिम दर्ता प्रक्रिया पूरा गर्न सकिने आयोगले जनाएको छ । यसअन्तर्गत दलहरूले भदौ १९ गतेदेखि २५ गतेसम्म कार्यालय समयभित्र निवेदन दिनुपर्नेछ । निवेदन राजनीतिक दलसम्बन्धी नियमावली, २०७४ को अनुसूची १२ अनुसार तयार गर्नुपर्ने सूचनामा उल्लेख छ ।

उक्त प्रदेशसभा सिट निर्वाचित दीपक मनाङे ज्यान मुद्दामा दोषी ठहर भएसँगै रिक्त भएको हो ।