कोशी प्रदेशमा पाँचौं तहका १६८ कर्मचारी बढुवाको सिफारिस

विराटनगर । कोशी प्रदेश सरकारको मुख्यमन्त्री तथा मन्त्रिपरिषद्को कार्यालयअन्तर्गतको बढुवा समितिले स्थानीय सरकारी सेवाका पाँचौं तहमा कार्यरत १६८ जना कर्मचारीलाई बढुवाका लागि सिफारिस गरेको छ ।

प्रदेश लोक सेवा आयोगले जारी गरेको बढुवा सूचनाअनुसार ज्येष्ठता र कार्यसम्पादन मूल्याङ्कनका आधारमा प्रक्रिया सम्पन्न भएको हो । बढुवा समितिको साउन २५ गतेको बैठकले सिफारिस सूची अनुमोदन गरेको र सोमबार सार्वजनिक गरेको बताइएको छ ।

स्थानीय सरकारी सेवा (गठन तथा सञ्चालन) ऐन, २०५० को दफा ३९ अनुसार गरिएको यस सिफारिसअनुसार सिफारिस भएका कर्मचारीलाई तोकिएका स्थानीय तहमा पदस्थापन गरिने छ ।