फरार कैदीबन्दीहरूलाई प्रहरीको अपिलः सम्पर्कमा आउन अनुरोध

काठमाडौं । हालैको अस्थिर स्थितिपछि कारागार तथा प्रहरी हिरासतबाट फरार भएका कैदीबन्दी तथा थुनुवाहरूलाई नेपाल प्रहरीले स्वेच्छिक रूपमा सम्पर्कमा आउन अनुरोध गरेको छ ।

बिहीबार प्रहरी महानिरीक्षक (आईजीपी) को सचिवालयबाट जारी गरिएको विज्ञप्तिमा फरार रहेका व्यक्तिहरूलाई जिल्ला प्रहरी कार्यालय, स्थानीय प्रहरी इकाइ वा अन्य सुरक्षासम्बन्धी कार्यालयहरूसँग सम्पर्क गर्न आग्रह गरिएको छ ।

भदौ २३ गते भएको प्रदर्शनपछि देशका विभिन्न स्थानमा अस्थिरता बढेको थियो । त्यसको प्रत्यक्ष प्रभाव कारागार प्रणालीमा पनि देखियो । प्रहरी हिरासत तथा कारागारहरूबाट सयौं कैदी थुनुवा फरार भएका छन् ।