प्रतिनिधि सभाको बैठक स्थगित, भोलि दिउँसो १ः०० बजे बस्ने

काठमाडौं । आज (मंगलबार) का लागि तय गरिएको सङ्घीय संसद्, प्रतिनिधि सभाको बैठक स्थगित भएको छ ।

संसद् सचिवालयले विशेष कारण देखाउँदै भदौ ९ गते दिउँसो १ः०० बजेका लागि निर्धारित बैठक स्थगित गरिएको जनाएको हो ।

प्रतिनिधि सभा नियमावली, २०८३ को नियम ६ को उपनियम (३०) बमोजिम सभामुख डोलप्रसाद अर्यालले स्थगित बैठक भदौ १० गते बुधबार दिउँसो १ः०० बजे बस्ने गरी पुनः निर्धारण गरेका छन् ।

सङ्घीय संसद्का महासचिव पद्मप्रसाद पाण्डेयद्वारा जारी सूचनामा निर्धारित मिति र समयमा बैठक बस्न नसक्ने भएकाले अर्को दिनका लागि बैठक सारिएको उल्लेख छ ।

अब प्रतिनिधि सभाको बैठक भोलि बुधबार दिउँसो १ः०० बजे बस्नेछ ।